Təhsildə bərabərlik: imkanlarin artirilmasi üçün beynəlxalq təcrübələr

Abstract

Xüsusi şərait yaradılmadan təhsil almasında çətinliklər yaranan fiziki çatışmazlığı, əqli və (və ya) psixi ləngimələri olan şəxs sağlamlıq imkanları məhdud şəxs, xüsusi şərait yaratmaqla sağlamlıq imkanları məhdud şəxslərin məktəbəqədər, ümumi və peşə-ixtisas təhsili isə xüsusi təhsil adlanır. Xüsusi şərait dedikdə, sağlamlıq imkanları məhdud şəxslərin pedaqoji-psixoloji, tibbi, sosial və digər xidmətləri alması üçün yaradılmış şərait başa düşülür. Xüsusi təhsilin məqsədi sağlamlıq imkanları məhdud şəxslərə zəruri bilik, bacarıq və vərdişlər aşılamaqla onların cəmiyyətə uyğunlaşmasını, o cümlədən özünəxidmət vərdişlərinin yaradılmasını, əmək fəaliyyətinə və ailə həyatına hazırlanmasını təmin etməkdən ibarətdir. XTE olan uşaqların təhsili ilə məşğul olan hər kəsin nəzərə almalı olduğu bir sıra əsas prinsiplər mövcuddur. XTE olan uşaqlar ilə işləyərkən aşağıdakı məqamları nəzərə almaq vacibdir: Bir uşağın XTE varsa, tədris nəzərə alınmalı və uşağın şəxsi ehtiyaclarına, ritminə və öyrənmə tərzinə uyğunlaşdırılmalıdır. Geniş, balanslı və uyğun bir təhsil olmalıdır.